一直以來,我都很反對三角戀愛,因為一開始時就很複雜,而且放自己在一個很不利的位置當中;只是人有感情,有時候情感是很難控制的,一旦開始了,就要面對很多問題而非常痛苦。
讓我們來看一看三角戀愛的種種問題。
在我的客人當中,有部份是經歷三角戀愛的,而她們往往都會不開心,有很多問題存在。
我一直都反對三角戀愛,但很多時候人有感情,而感情也很難控制;只是當無可選擇地去投入一些三角戀愛時,就有很多事情需要去想及留意。
那些執著偏激的人,每次看到我寫第三者個案,她們就知道到了情緒發泄的時候了,然後就段章取義,不問情由,說龍震天支持第三者,鼓勵別人做第三者。
所以我每次寫第三者的個案,我都要說得很清楚,因為這些執著偏激人都是故意甚麼都看不見,聽不見而對號入座的。
我寫第三者個案,是因為我有客人及網友真正在經歷這些事情;而我去分析這些事情,並不代表我支持三角戀愛;等於醫生不是鼓勵病人努力生病,律師並不是鼓勵犯人努力犯法,保險經紀並不是鼓勵客人遭逢意外身亡同樣道理。
好了,聲明表過,讓我們進入正題;這次的個案分享女主角,她正處於一段三角關係,而她也因為自己控制不住開始了,但內心又非常痛苦。
我們先看個案,然後再加上我的看法。
網友來信
你好龍師傅,我係你極忠實讀者,由10多年前仲係廿歲出頭既時候,已經開始睇你既文章。你既文章同教導可以話係陪我走過好幾次拍拖、分手、再拍拖、再分手既日子,直到現在三十多歲,已結婚及育有兩子。真係想像唔到如果沒有你既文章,我會唔會係過緊一個完全不同既人生。
(龍師傅註:多謝你的大力支持!的確,我的網誌,情到龍匙,影片,我的網上課程,都陪伴了無數的人成長,也成為大家背後的强大動力:一直灌輸正確的價值觀,一直叫大家理性思考及分析事情,讓大家在人生不斷成長,進步。
直至最近半年,我更成立了 Patreon,因為平台不公開,我更可以暢所欲言,用更直接的方式,不用轉彎抹角,去為大家分析事情和看法,更有大量公開平台不會說的真實例子,讓大家看得更過癮,更容易吸收我的理論;希望大家也會同樣大力支持,幫助自己人生更快成長及進步。)
今次來信係因為最近發生了一件我自己都冇諗過會出現既事,而見你的blog沒有好多類似嘅情況,所以希望來信,睇下會唔會有幸俾你睇到及解答。歡迎同讀者分享。文章會有點長,因為想寫得仔細點俾師傅睇,希望唔好介意。
(龍師傅註:當然不介意,歡迎你分享!因為你的個案提供會幫助到更多需要的人,而且也會看到我的分析,大家可以由我的分析之中學習。
而我一直很少說第三者個案的原因是,雖然我日常工作之中會遇到很多第三者個案,但每次我公開說的時候,都總會有些執著偏激人對號入座;當她們看到我寫這一類型的個案時,她們就知道去到情緒發泄的時候了,平日好話不說,絕不留言的她們,就會在這個時候不用三秒鐘跳出來,說我支持第三者,完全不問邏輯,只顧著發泄自己的情緒。
由於網誌是免費的,我也犯不著用數個小時用心去寫一篇免費文章而給這些人有機會發泄情緒,所以我也盡量少說;不過遇到有合適的個案,我還是會寫出來的,因為的確有很多人遇到這些問題,極需要幫忙。)
我今年36,但樣睇起來都幾年輕,一般人都以為我得廿幾歲,睇落唔似已有兩個細路。老公客觀睇都不錯,有錢有樓有車顧家等。
問題係自從生子後多左好多爭吵,屋企無聊事都可以吵一餐,老公個人又粗枝大葉,唔溫柔體貼,冇乜關心我,令我呢幾年都覺得已經冇左以前個種被愛、被關懷、被寵愛既幸福既感覺。大家相處平淡如水。
(龍師傅註:這是正常的,婚姻不同愛情,當結了婚尤其是生了小朋友之後,感情就會平淡,大家的話題都會集中在小朋友及家庭身上,吵架也自然會增加。
所以很多無知感性女人,就會在結婚之前不停將韓劇的情節代入到自己身上,結果婚後,生了小朋友之後不似預期,就會扮作很奇怪的樣子,問為何韓劇的情節不會發生在自己身上。
婚姻就是生活,不是愛情,這一點是很清楚的,但有很多好幻想的感性女人給完全誤會了。)
本身我都冇覺得好難接受呢種轉變,直到我一年左右前轉工,去到新公司識左一班新同事。最近開始因工作關係同其中一位職位比我高、年紀比我大幾歲但單身既同事熟絡左。最開頭都冇乜嘢,只係一齊開完會後去左飲一杯,但我諗就係因為個一次飲野(冇任何不規矩行為),大家覺得好似擦出一些火花,之後佢就開始成日想約我食飯、飲野、睇戲等。
其實我從來冇諗過在自己身上會發生想出軌既念頭,但可能因為突然間有個人出現,本身佢條件、品味、樣貌身形各樣都幾好,最重要係佢既出現令我突然間有久違嘅被愛同被關懷既感覺,令我都不知不覺咁想同佢見多d。所以好多時佢約我我都會應約,而大家亦都走得愈來愈近。
(龍師傅註:女人需要被愛,這也很正常;人人的追求都不相同,所以你婚後感情淡了,遇到有人對自己好,自己再次被肯定,突然間萌生愛情念頭,絕對正常,無需自責。)
一兩個月前,我地其中幾次食飯飲嘢,可能都有點醉意,佢開始會搭我膊頭、摟我腰、拖手、最後仲goodbye kiss左。
但之後的2-3星期,佢突然之間冷淡左,傾計少左,又試過明明約左夜晚放工食飯,佢唔知點解自己返左屋企冇左件事。
當時都有唔開心,但覺得既然人地都冇再搵你,就無謂自己去搵人咁樣衰啦,而且現實上我地又不可能正式拍拖,因為我唔會因為眼前婚姻既不完美而離婚,我好清楚自己只係想被愛同被關懷,而我老公都係稱職既老公及爸爸,我一定將家庭放第一位。
(龍師傅註:這種想法很正確,因為愛情還愛情,婚姻還婚姻;婚姻就是生活,你要找一個能夠和你長期走下去的人,而你的丈夫確實符合這個條件。)
所以就算我唔知點解佢無端端態度改變了,個心成日掛住佢,但我都控制住自己不主動再去搵佢,除非係公事上的事。
過咗呢2-3星期後,有一日佢又無端端message 我問點解當日在公司見唔到我,知道我原來要出國公幹一星期之後,佢就在我搭機當日約我食午飯,仲言語間講笑話我可以上佢屋企坐下(我估係試下我反應)。
之後由食飯後一路到我去機場、上機、落機、到酒店、之後幾日我在外地做野,佢一路都短信同我保持聯絡。
直到有一晚,佢無端端問我有冇掛住佢。
我唔知佢講真定講笑,就問佢係唔係飲醉咗,點知佢話唔係,仲話自己真係掛住我。
(龍師傅註:去到這裏,你自己也要弄清楚,他說很掛念你,並不代表他適合你,只是大家有愛的感覺而已;這一點很多人都分不開。)
我居然有心如鹿撞既感覺,但冇直接搭佢問題,只答佢下次先話佢知。
現在回想起來,我諗我flirting技巧其實係做得幾好,因為我短信傾計時好多野都真亦假時假亦真,而且都識吊下人胃口,可能咁都促進左關係發展。
(龍師傅註:這絕對有可能,但你技巧好並不代表對方適合你,去到現時為止只能看到對方是對你有意思,如此而已。
因為你已婚,也沒有打算離婚,所以你的想法必然只是和他談談情,如此而已,切忌過份投入。)
到我返到香港後,佢個人主動左好多,成日都問我得唔得閒,差唔多日日都想約我。
有一晚佢問我同朋友食完飯後會唔會上佢屋企坐下,我猶豫左好耐,最後竟然答應左上去坐一陣(但心入面當然都諗好左自己可接受做乜同唔會做乜)。我諗佢都有少少驚訝我真係上左去,但過程中兩三個鐘大家都係飲下野傾下計,都冇做特別嘅事,反而我係好享受同佢傾計既呢段時間,好似男女朋友拍緊拖的交流咁。
佢最後有認真問:你會唔會係婚姻出咗問題,如果唔係點解你會夜晚11點幾的時間上左來我屋企而唔係回家。
我沒有回答(但心入面知道係因為我從佢身上搵到拍拖既激情及被愛、被重視、被關心既感覺),之後佢就突然間攬住我及kiss左一陣。
來到呢度我先講下大家既條件及等價交換:
男方:有型、有錢、有事業、聰明、好多喜好興趣,能給予我愛及關心。
但佢其實係一個好收埋真實既自己既人,永遠在同事面前好風趣幽默健談,但其實可能個人好孤單空虛。
同埋我諗佢一路以來追尋緊一個完美既人做老婆,眼角太高,所以一路拍好多拖都未結婚。
佢曾經講過有一個女朋友最接近結婚,嗰女仔係最明白佢嘅人冇嘢啊,亦都係佢最好嘅朋友,但因為女方唔想要小朋友所以佢忍痛同女方分手。所以我想佢內心都係渴望搵到個Miss Right 結婚。
(龍師傅註:看起來對方條件不錯,只是他要求高,也必然不是找一段婚姻,也有可能和你交往一段時間之後疏遠你,你自己也要想想是否接受得到。)
我:靚、情況穩定、好的聆聽者(佢曾經講過可以同我傾好多野,因為我不會judge 人,佢講一些其他人會好大反應的事,我都會好樂意聽同唔會批評),溫柔體貼照顧細心。
但我個人比較悶,興趣少,身形冇佢fit,所以自評條件差佢少少。
(龍師傅註:也不然,其實你條件也很好,只是一開始時就是不正常的三角戀愛你自己也要想想。)
其實佢有講過如果唔係我已婚,佢會想同我正式拍拖,但因為我不可能同佢有正常拍拖的相處模式,好多時就變左約會都係偷偷摸摸,或者上佢屋企,咁好自然都成日圍繞佢想同我發生男女關係。
(龍師傅註:絕對是,因為關係不能公開,也不能去太多地方,可能即使拍拖也是上對方家裏,這些也不是正常的拍拖生活。
正常的拍拖,應該是大家都可以去不同的地方,有不同的體驗,但看起來因為你也不能公開關係,所以久而久之就會變成千篇一律,對方感覺厭倦。
而問題是,女生多是感情主導,時間越久,感情越深;到時候對方不那麼關注你,你卻越來越愛對方,那個時候你就會終日有情緒及不開心,這也不是拍拖的原意。)
加上我的status 緣故,好多野我都俾唔到佢,例如佢想我夜晚或星期六日陪佢食飯、出街、留在佢家過夜等,我都好難做到,所以我都覺得自己冇乜等價交換俾到佢。
師傅你覺得我可以提供什麼比佢達到等價交換?什麼會對佢有價值令我可加分?
(龍師傅註:其實沒有,我看到的只是男女關係,又或者比朋友更多數句深入對談而已;所以這些關係不健康,就會導致長久下來出現問題;我有很多客人都是如此,第一次覺得很新鮮,但第二次,第三次,去到第十次都是同樣的時候,感情就變淡,也無以為繼。)
講返個故事,自從上次夜訪佢屋企及kiss 左後,大家發展得更快,之後每星期約會3-4次,而且因成日上佢屋企的關係,開始愈來愈多親密接觸。到最後,真的有一次,我們發生了男女關係。
但有少少如我預料,發生了關係後,他態度第二日開始就冷淡左好多。雖然都有繼續send message,但少左好多,再見面時(就算在佢屋企)佢都冇再拖手或攬或錫我,且只停留好短時間,但之前係會不停想同我攬錫等等。
幾日後,有一晚公司大班同事去飲嘢,佢可能覺得我感覺到佢冷淡後我都自己同佢保持距離,另佢又有點醉意,就無端端借醉攬住我及另一個男同事(我覺得佢係想攬住我,但不好意思在同事面前做咁出面,唯有攬埋另一男同事),又趁人見唔到摸我頭髮屁股等等。但第二日後又係變返冷淡左,冇乜再發短信聯絡。
(龍師傅註:這是可以預期及正常的事情,可能你的要求不同,因為女方多要求愛,而男方只求和你有男女關係,所以本質上就不一樣。)
面對這個改變,其實我係傷心的,因為始終我都有付出左感情,但想到我都俾唔到乜嘢佢,又唔可能同佢一齊,唯有裝作好灑脫,冇問佢或迫佢任何事,當冇事發生。
(龍師傅註:這就是問題,因為你已婚也不能給他甚麼,所以根本就很難再進一步。)
我自己想,可能發生左關係後我對佢而言已經冇左吸引力,或者佢感覺到在男女關係方面不是非常夾,所以佢失去了興趣?
(龍師傅註:絕對有可能,我們永遠都會對櫥窗上的物品充滿興趣,腦海之中無限放大,甚至乎可能會想好幾年;但一旦買了之後可能連包裝盒也沒有打開就放在一旁。)
其實一開始我都預左呢一日會出現。佢好早期都講,如果有一天佢真係有個正式既女朋友後,我地都要停止呢種關係,因為佢都唔想對女朋友唔公平或呃佢,我當時都係表示認同的。
只是呢幾日我心情真的好複雜,一方面理性睇,呢個係遲早會發生的事,咁長痛不如短痛;但另一方面我真係好想要佢俾到我的那種被愛被關懷被重視既感覺,呢個在我老公身上已經得唔到,而現在又好似經歷左一次失戀咁,感覺有點痛苦。師傅,你覺得我應該怎樣做?其實心底裏我仲係希望可以繼續同佢保持「情人」既關係,有沒有乜嘢可以做去把佢吸引返過來?
如果有幸比師傅睇到呢個文章,希望師傅賜教。謝謝你祝你身體健康,事業蒸蒸日上!
A小姐
(龍師傅註:其實他的冷淡程度比想像中快,但也沒法;第三者戀愛就是這樣,問題多多,沒有結果;所以他如果對你冷淡,你也要大概知情識趣去退出,這樣才能確保你情緒沒有傷害。
現時還未至於踩得太深,所以對你其實影響不大;總好過大家到後來愛得很深,自己又不能自拔問題更大。)
(你有個案想和大家分享嗎?如果題材合適,你的個案有機會得到龍震天詳細分析!
如有個案,可以來信至 info@masters.com.hk,讀者個案分析逢星期五及星期日刊登。
千呼萬喚!
【高情商溝通術】現時推出!
限時優惠期間再送溝通秘密課程!
![高情商溝通術](https://www.lungchuntin.com/blog/wp-content/uploads/2022/12/高情商溝通術-Sales-Video-thumbnail.jpg)
限時優惠期間,你只需要 HKD699.00(原價 HKD11,920),就可以得到總共八個單元,二十三堂課的超卓溝通技巧影片,連厚達59頁筆記,再送你一個將來獨立發售的溝通秘密影片,幫助你用情商帶動別人有感染力,到處都受人歡迎化解伴侶及同事間的矛盾,讓你得桃花,得人緣,得貴人,得運氣!
愛情心理學控心術限時優惠!
![愛情心理限時優惠 (1)](https://www.lungchuntin.com/blog/wp-content/uploads/2022/06/愛情心理限時優惠-1.png)
限時優惠期間,你只需要 HKD489.00(原價 4,960),就可以學習强大的心理學控心術課程,幫助你控制別人想法,在潛意識之中調校對方,讓對方做著你想他做的事情!
正向心理學限時優惠!
![正向心理學 mock just photo (1)](https://www.lungchuntin.com/blog/wp-content/uploads/2022/04/正向心理學-mock-just-photo-1.png)
只需要 HKD489.00(原價 5,160),就可以學習利用信念改變潛意識,重塑大腦,讓人生從此變得不一樣,讓身邊所有人對你另眼相看,解決所有人生,工作,感情問題!
是否想學習超卓溝通技巧?
50 分鐘講座讓你明白溝通技巧大忌,同時教你三招厲害溝通招數,讓你吸金,吸人緣,吸桃花!
運氣一直不來嗎?
無論工作,感情,人生,你一定要明白運氣操作原理,你就何時都會交上好運!
![](https://www.lungchuntin.com/blog/wp-content/uploads/2021/02/iMac-2.png)
十七個重點
讓你成為桃花萬人迷
綜合 6,500 個真實個案,超過 100 個桃花萬人迷,找到她們不告訴你的想法,行為,潛規則,你現時可以免費得到,打開神秘大門!
四天戀愛溝通術
了解男女心理學,用潛意識溝通
控制對方不由自主
做任何你想他做的事情
王姬課程
讓你幸福的十個理由
如何找到幸福人生?在這本精讀筆記當中你會找到答案!
五天看穿男人心
了解男人心理,知道男人想法,對你的感情有莫大益處!
是否還未找到好姻緣?感情路上遇到問題?工作是否一直沒有突破?
其實未必是運不好,而是你不清楚問題的解決方法而已;方法不通,任你有多大努力都沒有用處。
龍震天有以下一對一咨詢服務,可以幫助你突破現時困境,找到出路:
- 感情咨詢
- 一生運程詳批
- 工作咨詢
- 陽宅風水
- 改名
- 婚嫁擇日,搬遷擇日
- 擇日剖腹生子
了解服務詳情可以按以下連結: